A vogalía da muller da asociación veciñal A Xuntanza quere invitarvos á celebración do 8 de marzo día da Muller, un pouco adiantado o mércores 2 de marzo, coa proxección da película:

Caramel de Nadine Labaki
Data: 2 de marzo ás 19,30 h.
Lugar: Corredoira das Fraguas 37 baixo.

Sinopse:
En Beirut, cinco mulleres reúnense nun salón de beleza, un microcosmos colorista e sensual. Layale ama a Rabih, pero é un home casado. Nisrine é musulmana e ten un problema de cara a súa próxima boda: xa non é virxe. Rima está atormentada porque se sinte atraída polas mulleres. Jamale resístese a envellecer. Rose sacrificouse por coidar da súa irmá maior. No salón de beleza, os homes, o sexo e a maternidade sitúanse no centro das súas conversas íntimas e liberadas, entre cortes de pelo e depilación cunha pasta caramelizada de azúcar, auga e limón.
Mais info na web de Film Affinity ou na oficial do filme

¡Esperámoste!
Saúdos

Vogalía da Muller da asociación veciñal “A Xuntanza”.