Que son? Para que valen? Como están a mudar as nosas vidas?
Estas e outras moitas preguntas xurden con frecuencia cando pensamos nas redes sociais. Por este motivo, desde a Vogalía da Muller queremos ofrecervos un espazo para mellor coñecelas e entendelas.
A nosa experta será María Yañez e a cita será o próximo mércores 24 de abril ás 19.30h no noso local.
Queres aprender un pouco como reciclar, adaptar ou renovar a túa roupa vella?
Animate a participar no noso obradoiro.
Terá lugar todos os mércores deste mes de abril de 17 a 19h.
Necesitas:
Para inscribirte, contactanos en info@axuntanza.org ou ben en 606985280
Para celebrar o día da muller queremos invitarvos a participar nunha actividade para facer visible ás mulleres e as actividades que desenvolvemos no barrio.
Consiste en algo moi sinxelo, colocar un globo cunha mensaxe no portal/fiestra das casas e comercios do barrio. Na mensaxe podedes engadir a reivindicación que vos apeteza. Pódese poñer no globo ou nun cartel. E podedes decoralos como queirades, canto máis creativo mellor!!.
No local da asociación podedes recoller un globo no horario das actividades.
Esperamos que vos guste a idea e que vos unades a festexar este día coas mulleres do barrio de San Pedro e que se recoñezan os nosos dereitos.
CAL É A TÚA MENSAXE?
Despois do interese que suscitou na recente charla organizada pola Vogalía da muller, a psicologa e sexóloga Mar Sánchez Fraga proponnos agora afondar nalgunhas das cousas que alí se falaron.
Propón, por unha banda afondar nas nosas emocións, aprendendo a redescubrilas e liberalas. Pola outra, facer unha indagación no pracer e no universo dos sentidos,tomando conciencia das posibilidades da nosa sensualidade e erótica e a súa expansión.
Son dous obradoiros diferentes sobre emocións e sobre erótica, que terán lugar os sábados 6 e 13 de abril e o 20 e 27 de abril e o 4 de maio. Todos os días, de 10.30h a 13.30h.
Cada curso (que en total son 12h) ten un prezo de 55 €
Para anotarvos: un mail a info@axuntanza.org ou unha chamada ao 649283976
Neste mes de marzo, concretamente o próximo venres día 8 comezaremos unha actividade nova: as clases
de requinta. Moit@s de vos preguntaredes, que é iso?? É unha frauta traveseira típica deste pais.
O noso profe será David Canto e as clases serán os venres de 19 a 21h.
Prezo: 20 euros ao mes.
Para anotarse: info@axuntanza.org ou ben 606985280
O día 8 de marzo é o Día Internacional da Muller. Para celebralo e para pasar un rato xuntas, a Vogalía da Muller proponnos a proxección da película Criadas e Señoras, baseada na novela do mesmo título.
É unha peli amena, ás veces divertida, que reflicte historias de discriminación, solidariedade e humanidade.
Será o próximo mércores 27 de febreiro ás 19.30h no noso local, na Corredoira das Fraguas 37, baixo.
Por certo, este Día Internacional da Muller, ten unha historia ben interesante. Botade un ollo, por exemplo, á correspondente entrada na Wikipedia
Despois da boa acollida do ano pasado, imos a aventurarnos unha vez más a organizar, xunto con Verdegaia e Amarante, unha nova edición do ciclo de cinema Coñecer para Cambiar.
Desta volta terá unha periodicidade mais doada de lembrar: cada 3º mércores de mes, no noso local ás 20h. Comezamos o próximo día 20 de febreiro e remataremos o día 22 de maio.
O programa:
E tachaan!! Neste ano como novidade, queremos facervos protagonistas deste ciclo asi que na última xornada, o día 22 de Maio terá lugar a proxección das curtas participantes no concurso Filmar para Cambiar.
Esta nova proposta quere dar acollida ás vosas curtas sobre temas sociais e ambientais. Tendes de prazo ata o día 30 de abril para facer chegar os vosos filmes.
Toda a información, as bases e o formulario de inscrición, na web de Verdegaia. Agardamos as vosas propostas!!!
A vogalía da muller organiza unha charla-coloquio sobre a importancia das emocións na toma de decisións.
Contaremos coa participación de Mar Sánchez Fraga, psicóloga terapeuta transaccional e sexóloga.
A charla terá lugar o mércores 6 de febreiro ás 7,30 da tarde no local da Xuntanza.
Invitámosvos a aprender a percibir e a manexar os nosos sentimentos, as nosas emocións. Agardamos por vós!!
Aínda que o obradoiro de Nadal de crochet non funcionou moi ben, o pequeno grupo de persoas que se anotou ten moita ilusión e ganas de aprender asi que decidimos proporñerlles a elas e a tod@s vos retomar a idea e pasala a un horario máis cómodo.
Que queredes aprender a facer cestiños, pequenas pezas de bisutería, coxíns, bufandas, gorros ou calquera outra cousa que se vos ocurra pero non vos foi posible? Agora tendes a oportunidade.
O novo obradoiro será os mércores, a partir de xa, ás 20.30 horas. Costará 29 € ao mes.
Para anotarvos, mandadenos un email (infoaxuntanza.org) e vos contaremos os materiais que tendes que levar.
A maioría das persoas que coidan a dependentes son mulleres.
Para mellor coñecer esta situación, aprender e compartir sobre ela, sobre a atención ás persoas que precisan apoio, sobre a importancia do esforzo que fan… a Vogalía da Muller organiza para o próximo mércores día 28 de novembro ás 19.30 unha pequena charla.
A nosa convidada será Lola Ferreiro Díaz, médica, feminista e coordinadora do Grupo Lúa Crecente.
Non o esquezades, o próximo mércores ás 19.30h. Coma sempre, no noso local, na Corredoira das Fraguas 37, baixo
Pago electrónico da cota (Paypal)
Pago electrónico