A Xuntanza

Por petición popular, haberá un novo Mercado do Caracol o próximo día 25 de maio.

Xa sabedes cómo é: buscase pola casa aquelas cousas en bo estado e tan longo tempo arrumbadas en calquera lado e faise un paquetiño. Non hai nada como a chegada do bo tempo para poñer orde nese caos fogareño!!

Logo hai que ler as instrucións de uso deste singular mercado. E seguilas, claro! Poderás inscribirte ata o día 21 de maio, martes.

Xa podedes ir pensando en como organizar, amenizar e facer atractivo o voso posto e mercadoría.

Para quen se sinta libre de rémoras e non precise limpeza ou ben para quen teña sitio dabondo para gardar máis trebellos, a opción é simple. Nese sábado pola mañá, achegádevos á Rúa do Home Santo, alí atoparedes xenuinos «suvenirs» saídos das casas do barrio de San Pedro.

Lembrade, a cita é sábado 25 de maio de 11 a 14h na rúa do Home Santo.

Como xa saberedes, este sábado é a Feira da Primavera e este ano abranguerá tamén a Rúa dos Concheiros.

Era este un desexo longamente agardado pola nosa parte e polos da Comisión de festas, por canto entendemos que unha parte moi relevante da feira é a proxección e dinamización do noso comercio e, concretamente neste caso, do corredor comercial San Pedro-Concheiros.
Ante tamaño desafio, o esforzo investido nesta aposta é moito tanto na loxística dos postos, na organización do voluntariado e comerciantes, no deseño do programa e, mesmo, no plan de tráfico.

A todos e todas, moitas grazas!

 
Sabemos que tanto vos como o conxunto da veciñanza agardades con moitas ganas esta xornada especial, que parece que inaugura a tempada do sol e de lecer nas nosas rúas. Asi que, vinde, disfrutade e convidade a todas as vosas amizades.

Nos, como sempre, estaremos presentes co noso posto. Segundo parece desta volta estaremos en Concheiros, asi que animadevos a visitarnos e comentarnos calquera cousa que vos pareza de interese do barrio.
Poderedes tamén facer efectiva a vosa cota do 2013 e coñecer as nosas principais apostas para o próximo Dia do Barrio (8/6/2013).

Ata o sábado, pois

Agora xa podes realizar o pago da túa cota de socio ou socia mediante PayPal ou tarxeta de crédito, tan só tés que pulsar o botón de «Doar», poñer os teus datos e escoller logo a cantidade. Deixaremos o recibo habitual na túa casa.

As cantidades acordadas na última asamblea son:

Cota anual básica: 6,00 €
Cota anual solidaria para axudar ao aluguer e mantemento do local: 10,00 € ou 20,00 € (neste caso queda incluída a cota básica de socio/socia)

Evidentemente tamén aceptamos doazóns máis xenerosas,

Na asamblea extraordinaria do día 25 decidiuse modificar as cotas establecidas para socios e socias:

• Mantense a cota anual básica de 6 €
• Crearonse 2 cotas novas para aquelas socias e socios que poidan facer un maior esforzo económico.
• 10 € /ano
• 20 €/ano

Para facilitar o seu pago, nos próximos días poñeremos en marcha unha pasarela de pago electrónico a través desta web. Entretanto, agardamos por vos no noso posto na Feira do Barrio; abaixo de todo, na Praza 8 de marzo.

Aínda que nos próximos días publicaremos os acordos máis relevantes da Asamblea Anual de 2012 (que foi este pasado mércores), queremos xa facer pública a nosa Memoria Anual correspondente ao ano 2011.

Aqui atoparedes un resumo das actividades executadas, o balance contable, os esforzos desenvolvidos a prol do barrio, etc.

¡Boa lectura!