Xa está convocada a IV edición do Mercado do Caracol. Ese que aproveitamos para facer algo de limpeza na casa e para reutilizar cousas de outras casas.

Será o sábado día 10 de maio, de 11 a 14h, na Rúa do Home Santo

Xa sabedes cómo é: buscase pola casa aquelas cousas en bo estado e tan longo tempo arrumbadas en calquera lado e faise un paquetiño. Non hai nada como a chegada da primavera para poñer orde nese caos fogareño!!

Logo hai que ler as instrucións de uso deste singular mercado. E seguilas, claro! Poderás inscribirte ata o día 7 de maio mércores.

Xa podedes ir pensando en como organizar, amenizar e facer atractivo o voso posto e mercadoría.

Para quen se sinta libre de rémoras e non precise limpeza, para quen debeza polas gangas ou ben para quen teña sitio dabondo para gardar máis trebellos, a opción é simple. Nese sábado pola mañá, achegádevos á Rúa do Home Santo, alí atoparedes xenuinos “suvenirs” saídos das casas do barrio de San Pedro.

Lembrade, a cita é sábado 10 de maio de 11 a 14h na rúa do Home Santo.

E, xa que estamos, queremos lembrarvos que está é unha actividade veciñal pensada para dinamizar os comercios desa rúa, para pasar un bo rato e para que outros veciños e veciñas podan adquirir a bo prezo as cousas que nos sobran, asi que non se admitirán postos de establecementos comerciais (tendas vintage ou segunda mano) que non sexan da rúa.

You must be logged in to leave a reply.