24. Setembro 2021 · Comentarios desactivados en Actividades curso 21-22 · Categories: Uncategorized · Tags:

Amigas e amigos,

Unha vez superada a fase máis complexa da pandemia retomamos a nosa intención de ofrecer ao barrio espazos de encontro e lecer, sempre dentro das pautas de seguridade e das nosas posibilidades. Presentamosvos hoxe a nosa proposta de actividades que serán menos que as do mundo prepandemia pero así ten que ser polo de agora e todas terán que facerse seguindo os protocolos da COVID-19.

Si, queremos que os grupos e as aulas sexan espazos tranquilos e seguros así que se respectarán a etiqueta social destes tempos (distancia, mans e máscara); por suposto, os grupos serán reducidos e non se poderá compartir material (esterillas, por exemplo). De feito, dentro das marxes de dispoñibilidade do local e se as persoas participantes concordan poderá haber axustes nos horarios para abrir novos grupos de tamaño máis reducido.

Todo este dispositivo será posible polo compromiso das monitoras e monitores, que se encargarán de manter o protocolo; e co esforzo económico da Asociación e persoas usuarias pois será necesario desinfectar o local todos os días e aínda non está claro que o Concello vaia a axudarnos nisto. O ano pasado, agardamos en balde a axuda municipal e non chegou, nin en locais nin en limpeza nin en materiais básicos como os desinfectantes. Pedimos, polo tanto, o mesmo compromiso ás persoas usuarias e o respecto ás pautas de seguridade. Como en todo este suceso que vivimos, a clave é a responsabilidade individual.

Confiando que seremos quen entre uns e outras de tecer unha certa normalidade segura, establecemos un procedemento de preinscrición para poder establecer grupos e aforos, que remata o día 27 de setembro.

O programa é:

  • Baile Galego: Martes 19:30 a 20:30 h (Iniciación); 20:30 a 21:30 h. (Nivel I); 21:30 a 22:30 h. (Nivel Il).
    • Prezo a repartir entre cada grupo (12-15 €). Monitora: Felisa Segade.
  • Baile en liña: Venres de 19:00 a 20:00 h.
    • Prezo: 15 €/mes. Monitora: Miriam Martínez
  • Pandeireta e canto: Mércores 19:30 a 20:30 h (Iniciación); 20:30 a 21:50 h (Intermedio).
    • Prezo: 28 €/mes. Monitora: Jara Ortiz
  • Gaita: Xoves 20:00-23:00h
    • Prezo: 20 €/mes. Monitor: Marcos Varela.
  • Guitarra: Luns 15:00 h a 20:30 h.
    • Prezo a repartir entre cada grupo. Monitor: Xavier Mugardos
  • Teatro: Luns 20:00 a 23:00 h.
    • Prezo: 18 €/mes. Monitor: Xurxo Barcala
  • Pilates: Xoves 10:30h-12h.; Martes 17:00h e 18:30h.
    • Prezo: 27€/mes. Monitora: Maite Pereira
  • Ioga: Martes e Xoves 20.00h a 21.30h.
    • Prezo: 40€/mes. Monitora: Maite Pereira
  • Obradoiro de Iniciación á Marcha Nórdica: 2 horas un sábado pola mañá a decidir polo grupo.
    • Monitor: Ricardo Angueira. Prezo 25 €
  • Obradoiro de Perfeccionamento en Marcha Nórdica: 2 horas un sábado pola mañá a decidir polo grupo.
    • Monitor: Ricardo Angueira. Prezo 25 €
  • Camiñamos/Corremos Xuntas: Actividade autoxestionada para facer deporte desde o barrio.

Vistas as dificultades para levar a cabo actividades deportivas en espazos pechados propoñemosvos a conformación de 2 grupos en Facebook que sirvan para animarnos a sair a camiñar e correr, entendendo que en grupo (sempre coa distancia e máscara) é máis doado e seguro sair. As persoas interesadas cubrirán o formulario, para nós poder ter unha orientación e poñer en marcha a actividade.

Na medida do posible é a nosa intención desenvolver outras actividades que terán carácter puntual (unha tarde/unha mañá) que serán anunciadas no seu momento. A idea é ofrecer eses espazos seguros de lecer e convivencia e ao tempo ir aproveitando os recursos de proximidade e as posibilidades que a pandemia e a meteoroloxía ofrezan en cada momento. Se tendes ideas ou propostas, facédenolas chegar.

Resumindo, para facer a preinscrición, cubre os teus datos neste formulario antes do día 27.
Prezos: Socios e socias: Gratuíta
Persoas non asociadas: 10€
Tod@s usuari@s: 2€/mes para gastos derivados do local

As clases comezan o día 4 de outubro

Comments closed.