14. Decembro 2015 · Comentarios desactivados en Fart@ de tirar paraugas? Esta é a túa oportunidade · Categories: Uncategorized

Nesta terra de moitas choivas e de tantos paraugas rotos e tirados pola rúa ou nos contedores, a xente de Amarante Setem e de Mov3 – Galicia Viste Consciente decidiron pór en práctica un “Obradoiro de upcycling de Paraugas“.

E ¿que é iso de upcycling? Tamém coñecido como supra-reciclaxe, é unha técnica coa que materiais desbotados ou danados son transformados en novos produtos de igual ou maior valor.

Ante tan singular e necesaria proposta, faltounos tempo para ver de organizar un obradoiro no barrio.

E ti, sintes pena por todos eses paraugas que un ano e outro son destrozados por temporais e cicloxéneses? Algunha vez pensaches que debería haber un xeito de reutilizalos? Tes preocupación por esa dinámica infernal de comprar cousas para logo tiralas para comprar outras?

Se é así, esta proposta é para ti. Terás oportunidade de achegarte á problemática do lixo dos produtos téxtiles en Galicia a través dunha dinámica de sensibilización sobre o téxtil de usar e tirar. Aprenderás a facer co teu paraugas roto un bolso empregando máquinas de coser ou manualmente.

Facilitadoras: Sarah Albagli – deseñadora de moda sostible- e Iria Moreira – Educadora Social.

Prezo: 5 €

A cita é este sábado, 19 de decembro, de 10 a 14h no noso local.

Para anotarse o consultar dúbidas: Tel: 605478118/ 986 848 159 ou pontevedra@amarantesetem.org

Que tes que traer: paraugas rotos (se non tes, podemos proporcionalos previo aviso)

Comments closed.