A Xuntanza

A petición dos socios e socias presentes na Asamblea deste ano, a Xunta Directiva renovará o seu esforzo na petición dun estudo e plan de mobilidade para o barrio de San Pedro. Nesta liña, instalará un posto informativo na Feira que organiza a Comisión de Festas para o próximo día 14 de abril na Rúa de San Pedro.
Haberá unha recollida de firmas para adxuntar á enesima petición que faremos sobre este tema.
É importante para todos e todas e, sobre todo, para o futuro do noso barrio. Ven e asina a nosa petición.

Á nosa solicitude, o Concello comezou o mes pasado os trámites para que se declare ao Barrio de San Pedro Area de Rehabilitación Integral. Será un proceso longo (entre 3 e 5 anos) que permitirá que os propietarios e comunidades de veciños do barrio acaden subvencións para modernizar os seus edificios: ascensores, cubertas, cociñas, baños…
O primeiro paso é elaborar un estudo que xustifique a necesidade destes investimentos e subvencións. Por este motivo, nestes días percorren o barrio os encargados do estudo.
Dada a importancia que para a nosa calidade de vida e para o futuro do barrio ten este proxecto, convidamosvos a colaborar na medida do posible con estes técnicos.
É indubidable que moitos dos nosos edificios precisan melloras que os modernicen e eviten o seu deterioro, a declaración dunha ARI axudará financieiramente a todos aqueles que estén dispostos a arranxar as vivendas e espazos comúns.
É unha oportunidade única, axudanos a conseguila.

O pasado día 13 de marzo tivo lugar a asamblea ordinaria anual desta asociación. Pasouse revista á actividade levada a cabo ao longo do 2006 e a directiva informou con detalle sobre a súa xestión. Informouse aos socios presentes especialmente sobre a renovada e insistente solicitude dun plan de mobilidade para o barrio, sobre as obras comprometidas e non realizadas (Betanzos, Home Santo e zona de Belvís) e sobre a posta en marcha da solicitude da declaración dunha Area de Rehabilitación Integral (ARI) para o barrio.
Procedeuse tamén a elección dos cargos da Xunta Directiva, que quedou asi:

PRESIDENTE: Antonio Martínez Neira
VICEPRESIDENTA: Marisa Montero
SECRETARIA: Mercedes Vázquez
TESOUREIRA: Sonia Iglesias
VOGAIS:
Campo do Forno Xosé González Serén
Puente la Reina: Margarita Muíño
Quiroga Palacios: Basi Sánchez
Avda. de Lugo: Concepción de la Fuente
Campo de S. Antonio: Manuel Domínguez Rial
Belvís: Mª Jesús Vázquez Penas
Rúa do Home Santo: Xosé Antón Pedreira
Rosario-Bonaval e Angustia: Ramón Folgar
Vogalía da Muller: Mada Meléndrez