A Xuntanza

A prensa de hoxe publica a noticia de que, finalmente, o Consorcio de Santiago e o Concello farán efectivo o seu compromiso de reformar e renovar as rúas de Betanzos e Home Santo e, incluso, acceder a petición veciñal de que se retire o transformador que hai xunto a Estación de Autobuses para convertir esa zona nun espacio decente para uso público.
Visto que, por fin, vanse acordar desta zona do barrio só nos queda agardar que, tal e como prometeron, os técnicos encargados destas obras se acheguen por aqui para explicar os proxectos e recoller as suxestións da veciñanza.

A comisión de festas do barrio de San Pedro avísanos de que comenzan as actividades de recadación para as próximas festas. Organiza, xa que non todo ía ser apoquinar, unha cea o vindeiro venres ás 10 da noite á que esta convidada toda a veciñanza.
Terá lugar na Caldeira de Pedro Botero, onde están á venda os bonos que permiten asistir a este grande evento e participar nos sorteos, atraccións e outras sorpresas que nos teñen preparadas para esa noite.
!Estamos tod@s convidad@s!.

O próximo venres, día 27 ás 5 da tarde temos previsto realizar unha visita guiada á exposición Frida Kahlo que organiza a Fundación Caixa Galicia. A exposición é moi interesante non só porque nos permite achegarnos á obra e a intensa vida desta artista senón tamén porque é unha oportunidade excepcional para coñecer algo máis a cultura do seu país.
Para irnos preparando, recomendámosvos a lectura do especial que sobre ela publicou o portal Culturagalega.org.
Lembrade, o venres 27 ás 5.
Boa fin de semana!

O vindeiro día 2 de febreiro comenzará no noso local un curso de cerámica. O curso terá lugar todos os xoves ás 8 da tarde e está dirixido a todos aqueles veciños e veciñas que teñan interese por iniciarse neste arte.
Se queres apuntarte escríbenos a info@axuntanza.org

Segundo informa hoxe La Voz de Galicia as vivendas protexidas que se están construíndo en Belvís están casi finalizadas. A Conselleira de Vivenda visitou onte a zona e confirmou que no mes de xuño abriranse as listas para solicitar un destes pisos.
Serán de aluguer e para mozos e mozas menores de 35 anos. Despois de 14 anos esperando, agardamos unha rápida e transparente adxudicación.