A Xuntanza

Teatro!!!

admin — Wed, 25 Jan 2012 00:25:25 +0000

O próximo sábado, día 28 de xaneiro, teremos oportunidade de gozar da oportunidade de achegarnos á produción teatral máis recente.

Será da man de Clara Gayo, Rula Blanco e Rocío González e a súa obra:

Queda terminantemente prohibido sufrir nas paredes

Lembrade, o sábado 28 ás 20h (na sala de abaixo)

SOMOS CONSUMIDORES

admin — Fri, 20 Jan 2012 16:13:51 +0000

E por este motivo convén que esteamos informados, e ben. Nesta charla, organizada pola Vogalía da Muller, aprenderemos algo máis sobre dous temas de moita actualidade:

O recibo da luz
as rebaixas

Colabora: Instituto Galego de Consumo

Será este mércores, 25 de xaneiro, ás 19 horas onde sempre (Fraguas 37, baixo)

Reunión con concelleiros

admin — Sun, 18 Dec 2011 18:50:45 +0000

Este mércores, 15 de decembro, tivemos reunión co concelleiro delegado de Participación Cidadá e CSC e co delegado de Barrios. Foi o noso primeiro contacto repousado co novo equipo de goberno. Comentamos un pouco por enriba a problemática xeral do barrio e entramos en detalle sobre a necesidade de axilizar algúns asuntos, moi especialmente rematar as obras da rúa de Betanzos e dar inicio ás de Quiroga Palacios.

Estas dúas rúas -xunto co que queda da zona de Belvís e toda a contorna de Quiroga Palacios- son unha antiga reivindicación desta asociación que, polas afirmacións do concelleiro delegado -Sr. De la Fuente-, pronto se fará realidade. Na rúa de Betanzos finalmente se arranxará tamén a beirarrúa da dereita -algo que quedara pendente co anterior equipo-; Quiroga Palacios será encomendada á Brigada de Obras en canto rematen no Campus Universitario.

Tamén se comprometeron a dar unha solución á rúa de San Pedro preparando un proxecto de remodelación; esta asociación suxeríu que, ademáis do proxecto técnico, comece a estudarse xa unha redución significativa do tráfico que soporta esa rúa. En caso contrario, todos os esforzos e investimentos caeran en saco roto en pouco tempo. Todos acordamos en que era algo necesario.

Falamos así mesmo da difícil situación económica -xeral á toda a administración- da Rede de Centros Socioculturais; con todo, o concelleiro responsable -o sr. Noya- manifestou a súa intención de manter e fortalecer aqueles centros con uso e actividade.

XA ESTÁ AQUÍ O FLAMENCO!

admin — Tue, 13 Dec 2011 20:50:48 +0000

En xaneiro recuperaremos novamente as clases de Flamenco. Serán no mesmo horario que o ano pasado:

Martes de 19-20h
Venres de 11-13H

Prezo: a partir de 15 €

Info nos telefs. 636293470 e 606985280 ou ben no noso mail

info(arroba)axuntanza.org

FACES DO PAÍS 1890-1950

admin — Mon, 31 Oct 2011 20:30:44 +0000

A colección de arte galego de Nova Galicia Banco é, sen dúbida, a máis rica e interesante do pais. Nestas datas, na sede da Praza de Cervantes temos a oportunidade de achegarmonos a unha parte dela. É na exposición Faces do país. O retrato en Galicia 1890-1950; alí poderemos admirar as mellores mostras da retratística galega dese tempo.

Parécenos un tema moi interesante e unha oportunidade de coñecer mais de preto estas coleccións artísticas de carácter privado; non é menos relevante que supón unha pequena fiestra no tempo, xa que poderemos ver as faces e porte daqueles que foron antes de nos.

Faremos unha visita guiada o próximo venres 4 de novembro ás 16.30h.

Podedes apuntarvos nos contactos habituais, tel. 606985280 e info(arroba)axuntanza.org

HOMENAXE A MORGAN

admin — Wed, 12 Oct 2011 16:55:23 +0000

O próximo sábado, día 15 de outubro, terá lugar unha xornada de homenaxe ao noso socio e conveciño Xosé Luís Méndez, Morgan. Será un día especial no que músic@s, amig@s e veciñanza nos reuniremos para pasalo ben e lembralo nos bares e rúas do barrio.

O programa é moi completo e comeza ao mediodía. Se queredes descargalo, clicade aqui.

E non esquezades que no Xa Chegou están a venda camisolas e os libros do Cancioeiro.

Finalmente, e para ir abrindo boca, convidámosvos a ollar este video dos amigos de Treixadura

OBRADOIRO DE POSTURA CORPORAL

admin — Fri, 30 Sep 2011 18:46:41 +0000

Se queres evitar dores causadas por esforzos, malas posturas no traballo ou na casa… ven a este obradoiro organizado pola Vogalía da Muller en colaboración coa Concellaría de Igualdade
Aprenderás a ter posturas correctas, a facer estiramentos e outras moitas cousas!.

Lembra de traer: esterilla ou manta e roupa cómoda.

Días: mércores de outubro: o 5, 19 e 26 de 19.30 a 21h

AREA DE REHABILITACION ESPECIAL

admin — Fri, 23 Sep 2011 16:17:58 +0000

Como informamos no post de agosto, está aberto o prazo para o procedemento de axudas da Area de Rehabilitación do Camiño de Santiago.
No caso do noso barrio están comprendidas as rúas Concheiros e parte de Home Santo, Rodríguez de Viguri, Angustia e Avda de Lugo. Compre que as comunidades interesadas en acometer obras de certa relevancia tomen as súas decisións o antes posible. O que hoxe se solicite se executará ao longo do 2012 e as solicitudes tramitaranse no IGVS por orde de entrada.
Un resumo da orde tedelo aqui

No Consorcio de Santiago (Rúa do Vilar) será onde se fagan os trámites e onde resolvan todas as vosas dúbidas.

Mais información na web do Instituto Galego da Vivenda e Solo

ACTIVIDADES DO CURSO 2011-2012

admin — Fri, 16 Sep 2011 16:00:53 +0000

Xa está aquí o programa de actividades para o novo curso!!
Para anotarvos tendes dúas opcións:
* Chamar por telefono ao noso número habitual 606 985 280 (Mercedes) ou ao 619 241 653 (Sonia)
* Enviarnos un correo electrónico a info(arroba)axuntanza.org

Comezarán na primeira semana de outubro, no LSC da Rúa das Fraguas 37, baixo.

1.- BAILE GALEGO: Martes de 20:00 a 21:00 horas* / 21:00 a 22:00 horas*/ 22:00 a 23:00 *
Monitor@: Felisa Segade

2.- CANTO: Venres de 17:00 a 19:00 horas; mércores de 10:30 a 11:30 e de 13:00 a 14:00. Clases individuais.
Monitor@: Paulina Ceremuzynska

3.- CERÁMICA: Mércores de 19:00 a 20:30 – 25 €/mes
Monitor@: Juana

4.- NOVA XOIERIA: Mércores de 20:30 a 22:00 horas – 25 €/mes.
Monitor@: Juana

5.- CORTE E CONFECCIÓN / ARRANXOS DE ROUPA: Luns de 16:00 a 18:00 horas – 20 €/mes; Xoves de 18:00 a 20:00 horas – 20 €/mes
Monitor@: Susa García

6.- COIRO: Luns de 18:30 a 20:00 – 24 €/mes
Monitor@: Fer

7.- ENCAIXE DE CAMARIÑAS: Xoves de 20:15 a 22:15 horas *
Monitor@: Beatriz Soneira

8.- GAITA: Xoves de 20:00 a 22:30 horas – 20 €/mes
Monitor@: Marcos Varela

9.- IOGA: Martes de 17:00 a 18:30 horas – 17 €/mes; Luns e xoves de 11:30 a 12:45 – 30 €/mes
Monitor@: Maite

10.- PILATES: Luns, mércores e venres de 9:00 a 10:00 horas – 2 días: 22 €/mes; 3 días: 30€/mes; Luns e mércores de 18:00 a 19:00 horas – 22 €/mes
Monitor@: Maite

11.- PANDEIRETA: Martes de 21:30 a 22:30 horas – 20 €/mes; Venres de 19:00 a 20:00 horas ? INICIACION I – 20 €/mes
Venres de 20:00 a 21:00 horas ? INICIACIÓN II – 20 €/mes
Monitor@: Jara

12.- PINTURA E MANUALIDADES: Xoves de 17:00 a 19:00 horas; Manualidades 22 €/mes – ? Pintura 27 €/mes
Monitor@: Puri Galiñares

13.- TEATRO: Luns de 21:00 a 23:00 horas – 18 €/mes
Monitor@: Beatriz Bravo

14.- TAMBORIL – PERCUSION TRADICIONAL: Martes de 20-21h – 20 €/mes
Monitor@: Arantxa.

15.- DANZA DOS CINCO RITMOS VITAIS: Primeiro sábado de mes de 11:00 a 13:00 horas – 15 €/mes
Monitor@: Verónica Gulluscio

16.- FLAMENCO: A partir de Xaneiro. Martes de 19:00 a 20:00 horas- 15 €/mes; Venres de 11:00 a 12:00 horas – 15 €/mes; Venres de 12:00 a 13:00 horas – 15 €/mes
Monitor@:Jose

17.- GUITARRA: Venres de 19:00 a 20:00 horas – 24 €/ mes
Monitor@: Héctor Lorenzo

18.- ACORDEÓN: Venres de 16:00 a 18:00 horas – 30 €/mes
Monitor@: Marcos Varela

19. – CATALÁN: Mércores de 10:00 a 11:30 horas – 20 €/mes
Monitor@: Eduard

20.- BAILES TROPICAIS E DE SALÓN: Sábado pola mañá, horario a determinar – 20 €/mes
Monitor@: Eva

AXUDAS DA AREA DE REHABILITACION INTEGRAL DO CAMIÑO DE SANTIAGO

admin — Fri, 05 Aug 2011 21:41:52 +0000

Veñen de publicarse as axudas para as obras de rehabilitación en vivendas situadas dentro da Area de Rehabilitación do Camiño de Santiago. No noso caso, están comprendidas aquelas situadas nas rúas Concheiros e alguns números de Rodríguez de Viguri, Avda de Lugo e Angustia.

O texto da convocatoria esta no DOG do 4 de agosto

Mais información, na oficina municipal de Rehabilitación, na Rúa do Vilar 59, baixo (Consorcio)